صـــــــــــــــــــــــــــــــــــــامدون للأبـــــــــــــــــد
اهلا بكم صامدون للأبد ومعا لتحرير فلسطين كل فلسطين

صـــــــــــــــــــــــــــــــــــــامدون للأبـــــــــــــــــد

نحن لا نستســـــــلم نستشــــــــــــــــــهد أو ننتصـــــــــــــــــــــــــــــــــــــــــر
 
الرئيسيةالبوابة*التسجيلدخول

شاطر | 
 

 عتاب امراة

اذهب الى الأسفل 
كاتب الموضوعرسالة
روزانا
وسام المشرفه المميزة
وسام المشرفه المميزة
avatar

انثى
عدد الرسائل : 1495
العمر : 49
Localisation : لبنان
تاريخ التسجيل : 06/05/2008

مُساهمةموضوع: عتاب امراة   29/11/2008, 4:21 am



القصيده باللهجه العراقيه




عتاب من امرأة عراقية كلها وفاء لزوجها المتمرد
بعد شتريد اسويلك
اصيرن شمعة وضويلك
بعد شتريد اسويلك
ابوك بشوش* واشويلك
نسيت شچنت اطبخلك وشچنت آنة احشيلك
آنة اللي چنت البخلك ومن كل الالوان اخليلك
وبالصالون اذب آلاف حتى بتسريحة حلوة اجيلك
اثاري الطبخ واللبخ ميفيد شسويلك بعد يمعود دخيلك
ابن الاوادم نسيت شچنت اسويلك
من جنت تعطش وينكطع بوري الماي اگل لعيوني تبچيلك
واشربك من دموع العين ماي عذب يصفيلك
وك نسيت شچنت اسويلك
من چنت تتگلب وماتنام الليل آني اسهر وألوليلك*
والظهرية من تطفي الكهرباء أني اعرگ واهفيلك*
واذا بليلة مسج دزيت
ألم فلوس الكارت واعبيلك
ومن چنت تزعل علي جيش مشاية اوديلك
نسيت شجنت اسويلك
من اجيتني بطرگ دكان تبيع بي مصاصك ومساقيلك*
گلت رجلي وراعي بيتي
واجب علي لو ينكسر ظهري اشيلك
وحتى افتحلك محل بي خير ابيع بذهبي وابنيلك
وما كفت فلوس الذهب رحت تداينت وما جيت بيوم اشكيلك
وتسالني شجنت اسويلك !!!!!
ومن صارت عندك فليسات
صرت آني وجهالي كلشي مانعنيلك
ومن اطلع اشتري خضورات تغافلني وتروح تلعب بذيلك
رصيدك خلص من المسجات يوم سمسم يوم نمنم تقشمرهن بمراسيلك
وبكل ليلة تجي سكران وريحة نسائية تعط من مناديلك
واليوم....اجيت إلي ندمان تطلب سماحي وتتوسل اجيلك
تقشمرني بكلمة احبچ
من حبتك حية بعد ما يعبر علي فيلك*
شحسبالك احنة بالمكسيك؟
لو انتة بمدبلج وتتفنن بتمثيلك
ما ارجع الك لو حتى تبني قصور روح بعيد انتة وكفشتك* وتواسيلك
تگلي بحقچ چنت آنه غلطان
من گبر اللي لفك ووجعة التشيلك
وانشالله التاج محل رحلتي تكون
وانت لأبو غريب يصير ترحيلك
وحق ذهباتي البعتهن
مول لفتح يم محلك واشرد كل معاميلك
وحق شيباتي اللي من القهر طلعن
لاصير اصالة بت نصري واغنيلك
اسفة شوفلك غيري تكنسلك وتطبخلك وتكويلك
وتسويلك ولو ذرة من الچنت آنة اسويلك


*بشوش : ومفردها بشّة وهي البطة او الوزة
*الوليلك:وهي عملية الغناء للطفل حتى ينچب وينام
*اهفيلك:كلمة قديمة ولم يعد لها استعمال بسبب توفر الكهرباء
*مساقيلك: ومفردها مسقولة وهو ماكنتوش عراقي
*فيلك : وهو الفيل , كائن يطير عندما يبدأ الانسان بالكذب
*كفشتك : وهي تسريحة غير قانونية يعني فاول
مهدات مني لاهلي بالعراق
روزانا

_________________
الرجوع الى أعلى الصفحة اذهب الى الأسفل
sozan
عضو جديد
عضو جديد
avatar

انثى
عدد الرسائل : 47
العمر : 37
Localisation : iraq
تاريخ التسجيل : 15/10/2008

مُساهمةموضوع: رد: عتاب امراة   30/11/2008, 4:54 pm

عزيزتي روزانا قصيدة رائعة وجميلة
وخاصة عجبني كتير لانه للهجتنا العراقية
وهي مسكينة ضحت علشانه وكان يخونها ويغازل البنات
وكثر تعملون مثلها
شكرا لك عزيزتي روزانا الغالية
ودمت بخير






الرجوع الى أعلى الصفحة اذهب الى الأسفل
روزانا
وسام المشرفه المميزة
وسام المشرفه المميزة
avatar

انثى
عدد الرسائل : 1495
العمر : 49
Localisation : لبنان
تاريخ التسجيل : 06/05/2008

مُساهمةموضوع: رد: عتاب امراة   30/11/2008, 11:36 pm

سوزان
هلا وغلا عيني
نعم جميل ان نقرا بلهجاتنا
ونتعرف ونعرف الغير عليها
دمتي غاليتي بحفظ الرحمن

_________________
الرجوع الى أعلى الصفحة اذهب الى الأسفل
 
عتاب امراة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
صـــــــــــــــــــــــــــــــــــــامدون للأبـــــــــــــــــد :: همسات شعرية دافئة-
انتقل الى: